FALA O INSPECTOR DE TOLOS DA VILA DE MUROS

FALA O INSPECTOR DE TOLOS DA VILA DE MUROS EN PAPEL DE BARBA E DI:


From: homesdepedra
To: Marcelo da Rabela
Sent: Sunday, November 09, 2008 5:52 PM
Subject: Agradecemento polo nomeamento

"Meu ben estimado amigo (permítame que o trate como tal a pesares de ser o mais humilde dos seus subordinados):

Quero darlle as miñas mais sentidas grazas pola concesión de este tan merecido titulo que vostede ten a ben concederme. Tratarei de portar este gran honor que con tan bo criterio me confire coa dignidade, desmesura e eficiencia que tan alto cometido require.



Sei que os tolos da nosa vila, a partires de este día están e atópanse en boas mans , de feito, xa me considero un mais entre eles, e como tal realizarei tan honrosa encomenda, acudindo os desvalidos, desfacendo agravios e mediando en liortas.

Se algún dos nosos veciños que erroneamente se consideran sans e polo tanto téñense por cordos , tivese a ben acudir o meu amparo, atoparanme sempre cos meus brazos estarricados en sinal de benvida a Real Confraría dos Arroutados , onde seria acollido a modo de proba , hasta que demostrase , ou se demostrase de maneira e modo incuestionable que xa e un completo arroutado e un pasmado ben eslouveado, o sexa, un mais dos nosos.



Supoño que o uniforme que pertence a tan importante cargo será o de xeneral napoleónico tocado con un embude , que terá que ser de considerables dimensións para abranguer todo o meu amplo perímetro cranial.





Sen mais despídome hasta outra cocedura , non sen antes volver a recoñecerlle a súa enorme sabedoría o terme concedido a min tan magnifico choio.



SSSQBSM

Manuel Martínez Caamaño

INSPECTOR DE TOLOS DA VILA


PD adxunto copia do titulo traducido a lingua da maioria dor orates desta vila"