Domingos Dosil Alcalde de Muros 200 2011

DOMINGOS DOSIL CUBELO (alcalde para sempre)

DOMINGOS DOSIL CUBELO (IN MEMORIAM)

 A familia nacionalista, o BNG, todos os que tivemos o privilexio de tratalo e de querelo somos, a partires de agora, máis pobres; porque éramos conscientes dos seus valores humáns e políticos. Que descanse en paz DOMINGO DOSIL CUBELO, xa liberado súas ataduras.
  Un exempo a seguir. 

¡BO NADAL!

Muradana

MUROS mira ao MAR (na mellor compañía)

MARCELOdaRABELA: "Anaquiños da Vila"

Por Cristina Cabodevila Ros.

Chegar a un pobo novo e abrir a porta da súa igrexa é para os fieis todo un acontecemento. Non te coñecen, es nova para a media de idade que se move por eses ambientes, entras e saes cando queres...

Un día, entran pola porta a ver que estás facendo e alí estás, subida ó andamio, ante o altar maior, coa mascarilla posta, os focos alumándote e, de paso, recocéndote, morta de calor ou de frío, segundo a época, comendo cos ollos unha pequena escultura...

"Ai! estades pintando!". Así empezan todos. E a todos intentas explicarlles que non pintas, que restauras, que non é o mesmo.
E moitos collen o costume de visitarte unha vez á semana, para ir controlando os traballos.
Logo empezan a vir día sí, día non.
Un día cóntanche unha historia pequena, sin importancia.
Ó seguinte traen á súa muller para que a coñezas.
E, de pronto, un día, caes na conta de que a visita xa é diaria y de que a esperas con moitas ganas.

Así coñecín a Marselo da Rabela.

Marcelino Garcia Lariño é un poeta. Dos que quedan poucos.

  Ós seus oitenta anos ten unhas enormes ganas de vivir, e unha gracia infinita contando contos e chistes.
Viñanos ver todos os días á pequena igrexa da "Virxe do Camiño", en Muros, onde botamos dous anos sacándolle brillo e "pintando" esculturas e retablos. Son moitas visitas diarias... e foi unha das mellores épocas da miña vida.

Tiña un andar pausado e tranquilo. O corazón non lle permitía moitos esforzos, así que tomaba a vida con tranquilidade, sobre todo os días de calor do verán.

O que maís lle gusta nesta vida é falar, e contar historias. E deixounas por escrito, nun fermoso libro que se chama Anaquiños da Vila, que gardo cunha fermosa dedicatoria na miña estantería coma se fose un tesouro.

E a vila de Muros, que tanto quere, decidiu outorgarlle a Medalla da Vila en recoñecemento á súa persoa, ó seu amor polo pobo, porque o merece e porque coa súa honra engrandecemos ao Concello, que desta maneira queda tamén honrado. E mañán vanlla entregar.

Últimamente a saúde estalle xogando malas pasadas, o seu corpo está cansadiño e as visitas ó hospital son cada vez máis frecuentes. Pero mañá quere falar, cómo non! e seguro que o fará tan ben coma el sabe facer. Seguro que contará algunha historia... e eu penso estar alí para velo.

MARCELOdaRABELA (medalla de Muros).-2

MARCELOdaRABELA (medalla de Muros).-1

Marcelino García recibiu a insignia da vila de Muros

J.?M. Sande Muros / La Voz

 

 O muradán Marcelino García Lariño recibiu onte a Medalla da Vila de Muros, distinción coa que o pleno da corporación lle agradece o labor realizado durante os seus máis de oitenta anos de vida a prol da vila e a súa cultura. O homenaxeado agradeceu con emoción este recoñecemento, á vez que volveu a amosar o amor polo pobo no que naceu e viviu e que, segundo dixo, perdurará aínda despois de morto.

O presidente da Asociación Cultural Sorum, Domingos Guerra, exerceu como mestre de cerimonias no acto, celebrado no salón de plenos, e destacou os méritos que fan ao agasallado merecedor da insignia. Ademais, lembrou que o acordo do pleno da corporación para outorgar a Marcelino García a máxima distinción do Concello foi unánime.

Domingos Guerra, ademais de recoñecer o labor cultural do distinguido e a súa constante preocupación pola salvagarda das costumes, tradicións, etnografía e formas de vida dos habitantes do concello, tamén leu algúns fragmentos do seu libro Anaquiños da vila, no que o autor afirma: «As vilas fanse ós anaquiños. Nós, todos nós, anque non o coidemos, somos tamén cachiños desa vila».

Pola súa banda, o alcalde en funcións, Domingos Dosil, lembrou as moitas conversas mantidas co homenaxeado, e a súa constante preocupación polo porvir das xentes da súa vila. O rexedor tamén dixo: «Chegada a hora de despedirme das miñas tarefas no Concello, ningún acto serve mellor que este para pechar unha etapa da miña vida dedicada a tarefas municipais».

Despois de recibir a medalla, Marcelino García, cheo dunha grande emoción, dirixiuse ao numeroso público que asistiu ao acto, así como aos políticos presentes, agradecendo esta distinción e destacando que, se algo se pode lembrar del, é o interese que sempre puxo en pór de relevo as grandes condicións e características do seu pobo e das súas xentes.

(Familia de Marcelo García)

1.         Recepción do homenaxeado

Ás 12:35 horas (aproximadamente), chegou D. Marcelino García Lariño, acompañado dos seus familiares máis próximos ás proximidades da Casa do Concello de Muros.

Foi recibido polo Mestre de Cerimonia (Domingo Guerra París), quen o levou ao Salón de Plenos, para que saudara ao Sr. Alcalde, D. Domingos Dosil Cubelo.

2.         Presentación do Acto por Domingo Guerra

O Acto comezou sobre as 13:00 horas, logo do oportuno tempo de cortesía para que se acomodasen os invitados.

Domingo Guerra, leu o seu Discurso de benvida e de presentación do homenaxeado, onde relatou os méritos que figuran na proposta de outorgamento da Medalla. Este discurso finalizou indicando o seguinte:

“O Pleno da Corporación Municipal do Concello de Muros, en sesión celebrada o pasado día 28 de abril de 2011, acordou, por unanimidade, a concesión da Medalla da Vila de Muros a D. Marcelino García Lariño, que será imposta polo Sr. Alcalde-Presidente do Concello de Muros, a continuación”.

3.         Entrega da Medalla e do Certificado do Pleno polo Sr. Alcalde, que dirá unhas palabras

O Sr. Alcalde-Presidente do Concello de Muros, D. Domingos Dosil Cubelo, impuxo a Medalla e fixo entrega do Certificado do Acordo do Pleno da Corporación Municipal no que se concedeu o galardón.

4.         Resposta de D. Marcelino García Lariño agradecendo o outorgamento da Medalla

D. Marcelino García Lariño, leu o seu discurso.

5.         Peche do Acto a cargo de Domingo Guerra cunhas brevísimas palabras de despedida.

Muros, a 26 de maio de 2011.

UNHAS  VERBAS  DE  AGRADECEMENTO

(de Don Marcelino García Lariño)

Vaia para todos o meu máis espontáneo, auténtico, leal e verdadeiro agradecemento. Para os que hoxe aquí asistides, e tamén para os moitos que me chamaron para dicirme que a súas obrigas, os seus traballos, impedíanlle facelo.

Pero dun xeito moi especial e moi superior, para os señores ediles, que todos eles, sen excepción, dignáronse outorgáronme este recoñecemento, este galardón, este premio que é, nada máis e nada menos, que  A  MEDALLA. DE    MUROS.

Como non podo expresarme, como quixera, debido á canseira que teño por mor da doenza que padezo, do que vostedes xa se estarán decatando, reitérolles, miñas donas e meus señores,  unha vez máis e de corazón, a miña total e profunda gratitude por este inmerecido agasallo, maiormente a don Mingos Dosil Cubelo, rexedor deste Concello, sen outro motivo especial que non sexa o de “nobreza obriga” por ser o promotor de que se me concedera a MEDALLA DA VILA DE  MUROS. Para el o meu máis profundo e sempiterno agradecemento.

E para Muros dicirlle o que outrora lle dixen: 

                                                       Ó  MEU  MUROS

Quérote, Muros, de día,

Quérote, Muros, de noite,

Na tristura, na alegría,

Na mala e na boa sorte.

Quérote con tolería,

E hoxe un pouco máis que onte;

Quererte a ti é teimosía

Porque te quixen decote.

Querereite mentres viva,

E aínda... despois da morte.

Marcelino García Lariño

“Medalla da Vila de Muros” a MARCELO da RABELA

 OUTORGAMENTO DO GALARDÓN “MEDALLA DA VILA DE MUROS” A  D. MARCELINO GARCIA LARIÑO.

O regulamento de honras e galardóns deste Concello instituiu o galardón “Medalla da Vila de Muros” coa finalidade de premiar a aquelas persoas ou entidades que polos seus méritos acadasen un prestixio social excepcional no eido en que desenvolven as súas actividades e que polo especial vencellamento que os une co noso municipio contribuíron a mellora-la súa imaxe e a divulga-lo seu coñecemento.

Estes méritos conxúganse na figura de D.Marcelino García Lariño. E, entre outros, polos seguintes motivos:

-         Por ter impulsado e participado de maneira brillante en canta actividade cultural fora desenrolada a prol do noso municipio.

-         Pola súa laboura desinteresada e incondicional de animador, cronista e albacea do acervo común. Polas súas aportacións etnolóxicas e etnográficas revitalizadoras da nosa toponimia.

-         Por ser memoria viva do anecdotario vilego con máis de oitenta anos ás costas.

-         Pola súa meritoria obra lírica, humorística e narrativa coñecida a través dos títulos publicados e de unha abondosa obra aínda inédita. Que toca sempre a fibra máis sensible da muradanía coa variña máxica da palabra precisa.

-         Por ser unha persoa de acervo transversal a quen uns e outros respetamos, apreciamos, escoitamos e queremos.

-         Por ter acreditado ao longo da súa vida adulta un indiscutible e acendrado amor a Muros e ao seu entorno. Porque certamente o merece. E porque coa súa honra engrandecemos ao Concello, que desta maneira queda tamén honrado.

Polo exposto, propoño outorgarlle a D.Marcelino García Lariño a concesión do galardón “Medalla da vila de Muros”.

Muros, 12 de abril de 2011.

O Alcalde,

Domingos Dosil Cubelo.

MARCELOdaRABELA 3

a cara descuberta

no camiño

MARCELOdaRABELA.-2

MARCELOdaRABELA.-1

 Marcelo García Lariño, cronista, por vocación, da muradanía. Coma poeta peripatético, administrador do anecdotario cotián, non tén comparanza. En Marcelo, a palabra é sacramento. E, coma é de lei, os sacramentos deben ser recibidos en estado de graza.
    ¡A ver e a escoitar!   Amen.

para empanada

Cuberto/s

MUROSluminaria

¡felices festas!

XOSÉ AGRELO HERMO en vivo.

 "El Ayuntamiento de Muros llevará a cabo mañana por la tarde un homenaje póstumo al profesor, autor teatral y hombre constantemente implicado en todo tipo de iniciativas culturales Xosé Agrelo Hermo, que falleció en noviembre de 2006. El homenajeado, aunque nació en Noia, pasó la mayor parte de su vida profesional en el municipio muradano, donde residió hasta su muerte.

El homenaje se iniciará a las 17.00 horas en la alameda de Esteiro, donde se descubrirá un busto en su honor. El actor y amigo personal del profesor Xosé Manoel Olveira Pico será el encargado de dar la bienvenida a los asistentes y de conducir el acto.

El programa incluye la actuación del grupo Xeitura de Esteiro (que interpretará varias piezas) y contará con la intervención del alcalde, Domingos Dosil; la edil de Cultura e Deportes, Laura Eiras y de parte de la familia del homenajeado.

Además, los alumnos de la escuela obradoiro Ría de Muros III (encargados de la rehabilitación del parque en el que se celebrará el acto) plantarán un árbol en recuerdo de Xosé Agrelo.

El programa llegará a su conclusión con el descubrimiento del busto bajo los acordes del himno gallego, interpretado por un gaitero del grupo Xeitura y la despedida de Olveira.

Xosé Agrelo, autor de diversos libros y piezas teatrales, fue galardonado con los premios O Facho de cuentos infantiles (1971), Leixaprén (2001) y Relatos de Aventuras Avilés de Taramancos (2003) y estaba en posesión de la Medalla de la Villa de Muros." (Correo Gallego)

rebORDIño.-1

Crónica vilega

Voda do ano en Muros.

pasEAndo

MARusía.-6

Crónica de Ofiusa,

Francisco Xabier Vázquez nace un 29 de abril de 1956 en Chantada. Traballou en centros de ensino de A Coruña, Boiro, Louro e Muros, vila na que reside na actualidade. Algún día disque será quen de poder invitar ós amigos á súa propia adega, aló por San Fiz ou Belesar na Ribeira Sacra.
     No terreo literario é membro da Asociación de Escritores en Lingua Galega desde os seus primeiros anos de fundación. Publicou A Chazca no ano 1982 en Edicións do Castro, novela na que se observa unha vontade de experimentar con distintos modelos narrativos, empregando como trama a confrontación social derivada da guerra incivil do 36.
     No ano 2003 edita en Sotelo Blanco Crónica de Ofiusa, novela de corte xuvenil na que narra unha viaxe chea de aventuras polas terras míticas de Ofiusa (Galiza).

Marcelo en verso

Marcelo en verso

noVELAda.-4

noVELAda.-3

noVELAda.-2

noVELAda.-1

VI XORNADAS DE CULTURA MARIÑEIRA EN MUROS

FALA UN POETA:

MARusía.-5

GAIVOTAda: Vixía

MARusía.-4

MARusía.-3

MARusía.-2

MARisqueo

XOSÉ AGRELO

SANTA MARÍA DO CAMPO

QUEREMOS GALEGO

O 17 de abril terá lugar un grande festival de música contra o decretazo no recinto feiral de Pontevedra a partires das 19.30.

VENDA DE ENTRADAS EN MUROS NO:

POUSO, CASA DA CHURRA E PUB O MUIÑO

Este festival contará coa presenza de:

Berrogüetto, Luar na Lubre, Fuxan os Ventos, A Quenlla, García MC, Lamatumbá, Espido, Asociación de Gaiteiros Galegos, Ruxe Ruxe, Galegoz, Zurrumalla, Os Carunchos, Fía na Roca, Os tres trebóns e Uxía Senlle.

Coa organización deste festival a plataforma cidadá Queremos Galego pretende ademais de dotar dun contido lúdico á ampla mobilización social polo noso idioma, mostrar a cultura galega tal e como é: rica, plural e activa. Xa que logo este festival é un acto de reivindicación da nosa lingua e cultura fronte á regresión de dereitos e a eliminación da súa oficialidade que está a impulsar o goberno da Xunta de Galicia.

Ademais de mercar a túa entrada on-line, podes consultar na nosa web os puntos de venda nas diferentes comarcas e localidades do noso país.

Venda on-line:http://sites.google.com/a/queremosgalego.org/queremos-galego/festival-queremos-gaelgo/entradastpv

Puntos de venda: http://sites.google.com/a/queremosgalego.org/queremos-galego/festival-queremos-gaelgo 

O prezo de venda anticipada é de 10€ e na billeteira de 12€.

AGUAS PASADAS: JOVELLANOS, memoria de honra.

(El Correo G., 18/02/1993)

MUIÑO DE MAREA

REMAduro